اسلام آباد 27 اکتوبر (اے پي پي) اولس مشر ډاكټر عارف علوي وئيلي دي چې پاكستان د مقبوضه جمو او كشمير اولس سره د خپل غېر متزلزل اخلاقي٬ سياسي او سفارتي ملاتړ پوخ عزم كړے٬ پاكستان به د كشميريانو د خپلواكې د حق ترلاسه كولو د دوي ملاتړ روان ساتي٬ د اكتوبر 27مه نېټه د تاريخ تر ټولو توره ورځ ده۔ د اكتوبر د 27مې نېټې د كشمير تورې ورځې په موقع په خپل پېغام كښې اولس مشر ډاكټر عارف علوي ووئيل چې 72 كاله وړاندې په دې ورځ هندي ځواكونو د نړيوالو قوانينو او اخلاقياتو خلاف ورزي كولو سره د بې ګناه كشميريانو د هيلو په ضد د جبر٬ ظلم ٬ تشدد او ترهګرې د لارې په سرينګر قبضه كړې وه۔ اولس مشر ووئيل چې د ملګرو ملتونو سلامتي كونسل په خپلو ګڼ شمېر قراردادونو كښې د يوې منصفانه او غېر جانبدارانه رائې شمارې د لارې د كشميري اولس د خپلواكې حق په ځائ ساتلې۔ په دې عمل كولو لپاره د نړيوالې ټولنې لخوا د دې قراردادونو او لوظونو پخلې روان دے خو سره د دې هندوستان تر نن په كشمير كښې د وحشيانه كارروائيو او درغلې په لار روان دے۔ ده ووئيل چې دا يو تريخ حقيقت دے چې د په كال 2019م كښې د اګست د 5مې نېټې نه هند په مقبوضه كشمير كښې د 80 لكو نه زيات خلق په غېر قانوني توګه محصور كړي دي چې پكښې كشميرې اولس٬ مېرمنې او ماشومان هم شامل دي په كومو چې هندي ځواكونه ناقابل بيان ظلم او تشدد كوي۔ په دې جرائمو كښې ناقابل معافي كرفيو او د مواصلاتو بلېك آؤټ شامل دي كوم چې د تېرو دريو مياشتو نه روان دي۔ دا د رياستي ترهګرې بدتره مثال دے كوم چې هند د څو لسيزو نه په بې ګناه كشميريانو روان ساتلې۔ ده ووئيل چې سره د دې چې د هند په پالېسو او تدابير كښې چې هر څومره ظلم او بربريت دے٬ هغه د كشميري اولس د حريت جذبه نه شي ختمولې۔ ده ووئيل چې مونږ د كشمير شهيدانو ته د عقيدت پېرزوينه وړاندي كوو كومو چې د آزادې په هڅو كښې خپل ځانونه قربان كړي دي او د هندي قابض ځواكونو اذيتونه ئې ئې برداشت كړي دي۔ ده ووئيل چې پاكستان د مقبوضه جمو او كشمير اولس سره د خپل غېر متزلزل اخلاقي٬ سياسي او سفارتي ملاتړ پوخ عزم كړے٬ پاكستان به د كشميريانو د خپلواكې د حق ترلاسه كولو د دوي ملاتړ روان ساتي۔
پاكستان د مقبوضه جمو او كشمير اولس سره د خپل غېر متزلزل اخلاقي٬ سياسي او سفارتي ملاتړ پوخ عزم كړے
مضمون کا ماخذ : موبائل سے لاٹری کھیلیں
متعلقہ مضامین
