اسلام آباد۔2دسمبر(اے پی پی) پاكستان په مقبوضه كشمير كښې د بشري حقونو په خلاف ورزو او اقليتونو سره په روان غېر انساني سلوك د ژورې اندېښنې څرګندونه كړې ٬ افغانستان كښې امن د پاكستان په ګټه دے ، پاكستان او تركيه د تجارتي او اقتصادي رابطو په زياتولو او د ستراتيجيكي ډائيلاګ او دفاعي همكارۍ په مضبوطولو موافقه كړې ۔ د خارجه دفتر وياندې ممتاز زهره بلوچ د جمعې په ورځ پرېس بريفنګ كښې ووئيل وزیراعظم شهباز شریف د نومبر په 25 مه او 26 مه نېټه د تركيه دوره كړې ٬ د دې دورې بلنه ده ته د ترك صدر رجب طيب اردوان وركړې وه٬ په استنبول كښې وزيراعظم د تركيه صدر سره يو په يو او د پلاويو په كچه خبرې كړي ۔ وياندې ووئيل دواړو لارښودو دوه اړخيزوه اړيكو ته په پراختيا وركولو ٬ تجارتي او اقتصادي رابطو زياتولو او د ستراتېجيكي ډائيلاګ او دفاعي مرستې په مضبوطولو اتفاق كړے۔ دوي د توان او رابطو په منصوبو هم د خيالاتو څرګندونه كړې ۔ وزيراعظم د دورې په مهال پاكستان كښې د سرمايه كارۍ موقعو په اړه د تركيه سرمايه كار خبر كړل او دا باور ئې څرګند كړو چې ټرېډ اېنډ ګډز لوظنامه لاس ليك كېدو سره به د دوه اړخيزه تجارت زياتولو له مرسته ترلاسه شي۔ دې ووئيل خارجه وزيرې حنا رباني كھر د نومبر په 29 مه نېټه د افغانستان يوه ورځنۍ دوره كړې ۔ په كابل كښې دې خپل افغاني همڅنګ امير خان متقي ٬ دوهم وزيراعظم عبد السلام حنفي او د افغان عبوري حكومت نورو عهدېدارانو سره ملاقاتونه كړي ۔ د دورې په مهال دې د زده كړو ٬ روغتيا٬ تجارت او سرمايه كارۍ سره سره په سيمه ايزو او اولسي رابطو او د سماجي او اقتصادي منصوبو په شمول د شريكې خوښی په چارو د خيالاتو څرګندونه كړې ۔ وياندې ووئيل د حنا رباني كھر دورې په مهال سيمه ايزې سلامتيا سره په اړوندو چارو هم خبرې شوي ۔ وياندې زياته كړه چې خارجه وزيرې د خپلې دورې په مهال يو سوله ايز ٬ سوكاله او مستحكم افغانستان لپاره د پاكستان د عزم پخلے كړے ۔ وياندې ووئيل دواړو اړخو د رابطو زياتولو له د بېلو منصوبو په اړه هم خبرې كړې په كومو كښې چې د كاسا 1000 او تاپی ګاز پائپ لائن په څير منصوبې شاملې دي۔ وياندې ووئيل د افغانستان په اقتصادي پرمختګ كښې د مېرمنو د مهم كردار اعتراف كولو سره خارجه وزيرې د پاکستان او افغانستان كاروباري ادارو ترمينځه د اړيكو پياوړې كولو ډاډګيرنه كړې ۔ وياندې ووئيل د خارجه وزير د كابل دورې مقصد دا اهميت په ډاګه كوو چې پاكستان افغانستان سره خپلو پخوانو اړيكو ته اهميت وركوي۔ وياندې ووئيل هند په خپل اوسني اقدام كښې په مقبوضه كشمير كښې د ټاكنو په فهرست كښې 7 لكه څخه د زياتو ووټرانو اضافه كړې ۔ د دې مقصد په مقبوضه كشمير كښې بھارتیه جنتا ګوند ته په ټاكنو كښې ګټه رسول دي۔ وياندې ووئيل د هند دا اقدام د څلورم جنېوا كنونشنز ښكاره خلاف ورزي ده۔ وياندې هند څخه غوښتنه وكړه چې هغه په مقبوضه كشمير كښې د بشري حقونو خلاف ورزي ختمه كړي او د 5 اګست كال 2019 خپل غېر قانوني او يو اړخيزه اقدمات منسوخ كولو سره د حقيقي كشميري لارښودو په شمول ټول سياسي بنديوان خوشې كړي
پاكستان مقبوضه كشمير كښې د بشري حقونو په خلاف ورزيو او اقليتونو سره په غېر انساني سلوك د ژورې اندېښنې څرګندونه وكړه
مضمون کا ماخذ : loteria com prêmio acumulado
متعلقہ مضامین
